domingo, 25 de enero de 2015

FALO PORQUE QUERO: NENOS ROBADOS

Sandra González- Besada redactou un FALO PORQUE QUERO,  decidiu falar sobre un drama que durante dúas décadas tivo lugar en España e que é hoxe cando empezamos a saber sobre el. Seguro que a súa lectura farávos pensar.
 

domingo, 18 de enero de 2015

FALO PORQUE QUERO

Dende fai tempo observamos, sobre todo, dende que a crise rodea as nosas vidas, é maior a necesidade que temos de dar renda solta ás nosas consideracións, veredictos e xuízos.
A partir deste momento queda á vosa disposición un novo apartado ao que imos chamar "Falo porque quero". Nel poderedes, sen ningún tipo de censura, expoñer, advertir, considerar, valorar, propoñer....
Anímate e opina de forma anónima ou revelando a túa identidade. Tal práctica fará de ti un ser crítico, algo que redundará no teu crecemento persoal.
Hoxe inauguraremos a nosa sección cun debutante que dende terras neerlandesas dá o seu parecer sobre como deberían ser as bibliotecas.

martes, 13 de enero de 2015

NAVEGANDO NAS EMBARCACIÓNS TRADICIONAIS

En recoñecemento ao traballo que o CPI de Panxón ven realizando co proxecto “NÓS SOMOS MAR",  o alumnado de 5º e 6º de primaria do noso centro foi convidado a participar na actividade “NAVEGANDO NAS EMBARCACIÓNS TRADICIONAIS DE GALICIA”.
A actividade organizada polo Centro Tecnolóxico do Mar (CETMAR) e a Federación Galega pola Cultura Marítima e Fluvial (FGCMF), contando coa colaboración da Asociación de Mariñeiros de Bouzas, realizouse o día 18 de decembro. O obxectivo da actividade era coñecer  as embarcacións  tradicionais de Galicia e  as artes de pesca que empregaban algunhas delas. Tamén se pretendía que tomaramos conciencia sobre a necesidade de conservar estas embarcacións que, unha vez rematada a súa vida laboral, son reconvertidas para usos culturais, deportivos e de lecer, evitando así a perda destas embarcacións que forman parte do noso patrimonio marítimo.
A actividade tivo un pequeno adianto  o día 17 de decembro no propio colexio, onde o alumnado de 5º e 6º xa recibiu unha introdución sobre as embarcacións nas que navegarían ao día seguinte. A FGCMF tamén elaborou unhas unidades didácticas para esta actividade.
O día 18 ás 9,30 horas o alumnado de 5º e 6º visitaba o CETMAR e no seu salón de actos eran recibido polos seus responsables. Logo recibirían unha charla complementaria á do día anterior sobre as embarcacións tradicionais e as artes de pesca.  A continuación iniciaron un percorrido polo centro  para coñecer algúns dos traballos que se realizan no CETMAR, por exemplo o deseño dunha embarcación de pesca totalmente eléctrica da que puideron  coñecer a súa maqueta. Tamén coñeceron como son as boias oceanográficas que envían continuamente ao CETMAR abundante información sobre a temperatura do mar, ventos, salinidade da auga, correntes, etc.


Ás 11 da maña profes e alumnado estaban na Praia de Bouzas, onde está a Asociación de Mariñeiros de Bouzas. Equipados cos chalecos salvavidas foron distribuídos entre 5 embarcacións tradicionais é seguindo as instrucións dos respectivos patróns puxeron rumbo a Cangas para coñecer á antiga conserveira de Massó, á factoría baleeira e coñecer parte da historia deste complexo industrial relacionado coa pesca e que foi un dos máis importantes de Europa. 

Medios de comunicación que recollen a actividade :
- Vigo última hora
- Atlántico Diario 
- Asociación de mariñeiros Artesanais e Deportivos de Vigo




lunes, 12 de enero de 2015

CARTACES DAÑINOS

Os alumnos/as da ESO adicaronse a buscar incorreccións ortográficas polo noso pobo e iste é o resultado.
Parece que as tildes seguen sen ser consideradas signos necesarios.
Todo o traballo que fixeron está ben pero hai dous erros que non localizaron, saberíades dicir cales?
























viernes, 9 de enero de 2015

INSTRUCIÓNS PARA O NOSO HORTO

Aquí tedes unha publicación onde aparecen todas as instrucións redactadas sobre coidados para o horto e novas plantacións realizadas polos alumnos de 2º ESO. Un xeito de colaborar dende o Departamento de Lingua no proxecto deste curso a través dun tipo de texto novo: as instrucións.

O CONDE ANTONIO E O SEU CRIADO PATRONIO


Os alumnos de 3º estudaron a prosa didáctica coñecida en lingua castelá durante a EM. Unha das obras vistas foi O Conde Lucanor, unha recompilación de 51 contos onde un conde se dirixe ao seu criado Patronio para pedirlle consello sobre como gobernar mellor a súa facenda. O criado responde mediante historias relacionadas e o conde Lucanor logra unha aprendizaxe que se resume a xeito de sentenza.

Os vosos compañeiros inventaron outros contos que tamén poderían engadirse a esta obra de Don Juan Manuel, só que fixeron algunha modificacións que moito teñen que ver co proxecto anual. O conde do seu libro pasa a chamarse Antonio como así se chama un dos grandes indutores deste proxecto. De novo Lingua e "Da horta ao prato" volven encontrarse e os consellos dos alumnos de 3º axudarán a mellorar o goberno de hortos, campos e propiedades agrarias.

19 de DECEMBRO ACTO DE ENTREGA DA BANDEIRA VERDE

O pasado 19 de decembro, o alcalde de Nigrán, Alberto Valverde Pérez, acompañado pola concelleira de Educación, Carmen Alonso-Macías, o xefe territorial, Cesar A. Pérez Ares, o Inspector de educación, Fernando carrasco e o Coordinador do Programa Ecoescolas en Galicia (ADEAC), José Manuel Fernández, presidiron o acto de entrega da Bandeira Verde á comunidade educativa do noso centro, CPI de Panxón.
O Programa Ecoescolas é unha campaña a nivel internacional que pretende introducir e/ou potenciar a educación ambiental para o desenvolvemento sostible e a xestión e certificación ambiental en centros de Educación Infantil, Primaria e Secundaria.
Trátase dunha iniciativa que implica a toda a comunidade educativa do centro escolar que decide desenvolvelo, así como ás autoridades municipais, xa que se require a súa implicación para que as ideas que se pretenden realizar nos colexios poidan ser levadas á práctica.



Para conseguir a Bandeira Verde...

1.    Formamos un Comité Ambiental no centro con representación de alumnos/as, profesores/as, pais/nais, persoal directivo, administrativo, mantemento, etc.
2. O Comité Ambiental foi o encargado de coordinar a realización dunha Auditoría Ambiental respecto á situación do centro escolar e o seu ámbito en materia ambiental, o que nos axudou  a elaborar os plans de acción que desenvolvemos ao longo destes tres anos, “Do pedernal á fusión I”, “Do pedernal á fusión II” “Nós somos mar” e no cuso actual “Da horta ao prato”nos que sempre se abordaron os tres temas básicos (auga, residuos e enerxía).
3. O Comité Ambiental definíu un Código de Conduta para á comunidade educativa.
4. Os alumnos/as participaron na verificación do grao de cumprimento dos plans de acción, que foron avaliados para optar ao galardón por un Xurado, integrado por membros de ADEAC.
5. A través dos blogs dos proxectos e a web do centro déuselle visibilidade ás diferentes actuacións que fomos desenvolvendo.
6. Bandeira Verde: O centro ademais presentou unha memoria anual á ADEAC durante estes 3 anos, e a asociación considerou que os plans desenvolvéronse satisfactoriamente polo que fomos galardoados por tres anos cun Diploma e unha Bandeira Verde, o que significa un gran recoñecemento para o noso centro.

Beneficios de ser unha Ecoescola

. Un aumento da sensibilidade e concienciación ambiental, o que nos axuda a comprender a importancia do que se aprende na aula.
. Un ámbito escolar mellor: os alumnos/as, e o resto do persoal podemos traballar xuntos en temas como a redución de residuos e conducir o centro escolar por un camiño consciente ambientalmente.
. Implicación da Comunidade Local: as autoridades locais, organizacións e empresas teñen experiencia na xestión ambiental e poden estar dispostas e/ou desexosas de cooperar coa iniciativa da 
Ecoescola.
. Aforros económicos: as accións emprendidas grazas á campaña poden conducir a aforros. Por exemplo, nas facturas do consumo de electricidade e de auga.
. Contactos internacionais:  podemos crear vínculos con outras Ecoescolas do propio país e/ou de calquera outro implicado na Campaña.

Con este Galardón Bandeira Verde de Ecoescola, os  alumnos/as e toda a comunidade educativa que integramos o programa, queremos renovar o noso compromiso co Medio achegando o noso graniño de area no noso ámbito máis preto, que é o noso colexio, facendo del un lugar sostible.

A Bandeira ¡ Xa está na casa!!


A continuación podedes ver a programación que desenvolvemos durante a xornada de entrega da Bandeira, os actos constituiron unha día de festa no centro.






A entrega da Bandeira  nos diferentes medios:
Faro de Vigo
Baiona TV
Ediciones Basan
Xornal GaliciaSur

OBRADOIRO BOMBAS DE SEMENTES

O obradoiro consistiu en dúas fases: 
Na primeira xornada falamos das bombas de sementes: de qué están compostas, a súas utilidades e beneficios. 

A continuación os nenos/as fabricaron varias bombas de sementes segundo as indicacións que deixaron a secar para a súa utilización nunha segunda xornada.

2. A segunda xornada (a principios de primavera) e coa ocasión d ecelebrar o día da terra, fixemos un conta contos e espallamos as bombas polo xardín do colexio.

De forma ordenada e á orde... lanzaron s bombas de sementes!!!

Bombardeamos o chan ata enchelo de explosións verdes.

A sementes usadas foron todas autóctonas


FACENDO AS BOMBAS


BOMBAS FEITAS

PINTÁMONOS COMO GUERREIROS

LANZAMOS AS BOMBAS

OBRADOIRO PLANTAS MEDICIÑAIS

O OBXEctivo do obradoiro foi:
Que os nenos/as aprendan que as plantas aromáticas tamen son plantas  mediciñais.
Cómo poden usalas na vida diaria como botiquín de urxencias: para golpes, moretons, dores, picaduras, sequedade na pel, etc.

Os nenos trouxeron plantas da casa: as estudamos e usamos para elaborar algún pequeno remedio: aceite ou tónico.

Cada neno levou para a súa casa unha mostra

Material empregado:

 Plantas medicinais / aromáticas

 Alcohol de 96º (25 ml/neno)

 Aceites: xirasol (25 ml/neno)

 Pequeño dosificador plástico por neno.

 Grupos de 25 nenos


OBRADOIRO DE KOKEDAMAS

A Kokedama é unha técnica xaponesa é con ela se consiguen plantas ornamentais, mediante unha bola de musgo.

Cada rapaz fixo a súa propia kokedama, utilizaron turba e sustrato especial para bonsai, realizaron un oco para facer sitio á planta, cunha corda rodearon a bola e atárona, conseguindo que o soporte foxe mais estable, por último cubriron a bola con musgo.




OBRADOIRO: APRENDENDO A TRABALLAR O MIMBRE

Os alumnos maiores aprenderon a traballar co mimbre e fixeron lapiceiros.