Este ano tamén quixemos sensibilizar ao noso alumnado coas discapacidades, e con un pouco de adianto xa que ata o día 3 de decembro non se conmemora O Día Mundial da Discapacidade, celebramos no CPI o día da discapacidade, para iso o departamento de orientación e o equipo de biblioteca organizaron unha sensibilización xunto coa Confederación Galega de Persoas con Discapacidade (COGAMI)
Francisco explicou aos nenos o que era unha lesión medular e o que implicaba así como as súas causas mais comúns, mentres Moncho ía puntualizando coa súa propia experiencia as palabras do seu compañeiro, contounos como foi o seu accidente e todo o que implicou para el esta lesión
Comprendemos que, fora de días internacionais e leis, a realidade, a cruda realidade é tozuda. Hai avances, pero son insuficientes. As rúas dos distintos barrios están cheas de bordillos imposibles para persoas que usen silla de rodas. Por suposto, os autobuses non están preparados (excepto un pequeno porcentaxe dos mesmos) para persoas con movilidade reducida, qué dicir dos trens. Temos zonas de estacionamento reservado a minusválidos (negome a usar unha, palabra ofensiva, sobre todo despois de coñecer a Moncho) persoas de movilidade reducida que frecuentemente están ocupadas por conductores sin escrúpulos e sen conciencia. Dos edificios públicos mellor non falar. Se queres ir ao cine, ofrecente a “fila cero” a un metro da pantalla para que non subas escaleiras, ¡¡qué amables!! porque estes espazos de ocio non están pensados para esas persoas das que hoxe toca acordarse.
Dende este blog queremos darlle as grazas a Francisco e a Moncho por compartir o seu tempo con todos nós. A actividade impartase de maneira gratuíta.
COGAMI Vigo
Locais "Rivera Atienza"
Avda. Martínez Garrido,21 Interior.
36205 Vigo
Tlf.: / 897
silvigo@cogami.es
Comentarios
Publicar un comentario