miércoles, 4 de enero de 2012

CENTENARIO DO POETA CELSO EMILIO FERREIRO

 Celso Emilio ferreiro naceu o 6 de xaneiro de 1912 e hoxe en Celanova inicianse os actos de commemoración do seu centenario; a iniciativa "Cen poemas en Celanova" que consistirá na exhibición de mostras dos seus poemas nos escaparates de 100 establecementos públicos e privados de celanova durante todo o ano 2012 é a 1ª actividade que desenvolverá o Goberno galego para celebrar esta efeméride, dende este blog tamén queremos recordar a este gran poeta galego, para iso iremos poñendo os diferentes poemas que escribeu ao longo da súa vida.
  

LONGA NOITE DE PEDRA

O teito é de pedra.
De pedra son os muros
i as tebras.
De pedra o chan
i as reixas.
As portas,
as cadeas,
o aire,
as fenestras,
as olladas,
son de pedra.
Os corazós dos homes
que ao lonxe espreitan,
feitos están
tamén
de pedra.
I eu, morrendo
nesta longa noite
de pedra.

No hay comentarios:

Publicar un comentario