Hoxe 29 de maio visitáronnos os futuros Bateeiros, que son os alumnos/as de 5 anos na EEI As Dunas. Viñeron coa súa profe Isa e a Directora Raquel. Estaban moi nerviosos pois ían coñecer o seu futuro colexio. Os nenos e nenas de 2º traballaron moitísimo para decorar a clase, facer o mural dos futuros Bateeiros e facer os debuxos cos que os agasallaron. Xuntámonos todos e todas no Salón de actos e fixemos unha dinámica de grupos para coñecernos un pouco mellor, pasámolo moi ben todos.
Coñecendonos - foto montaje
Logo de facer a presentación e coñecernos un pouco mellor démoslles a sorpresa de ensinarlles o pavillón que é enorme e alí estaba Victor para facer un xogo deportivo con todos nos.
Desfrutaron no recreo coa alumnado do primeiro ciclo moitos deles foran xa compañeiros/as deles na Escola de Dunas.
De repente escoitouse por todo o patio un timbre moi forte e todos os nenos/as foron para a entrada do colexio e puxéronse en filas, os pequenos tamén¡¡¡ e subiron cos demais para as clases.. Algúns nenos e nenas de 2º de EP explicaron cada espacio do colexio e o significado dos murais que temos polos corredores, o ciclo da auga, os muíños de marea, os conteñedores de reciclaxe, o medio ambiente......e que están a facer no proxecto deste curso sobre as enerxías sostibles “Do pedernal á fusión”; logo foron a súa futura clase e chamoulles moito a atención o mural do corredor que fixeramos para recibilos e sobre todo que estiveran as súas fotos postas nel, non facían mais que sinalar a foto na que estaban eles.
Logo pasaron a clase e sentáronse cada un con varios nenos/as de 2º de EP que tiñan un agasallo para eles, fixéranlles uns debuxos para que os colorearan e puxeran o seu nome neles, estes debuxos estarán en setembro postos nas súas mesas.
A continuación fomos a Biblioteca que era o único que lles faltaba por coñecer e alí estaba Sara Penedo alumna de 4º da ESO para contarlles un conto moi bonito “O Xaxilé azul”, non pestañearon e gustoulles moito.
Dámoslle a BENVIDA a todos eles/as e esperamos que sexan moi felices neste cole e que aprendan moitas cousas.
Comentarios
Publicar un comentario