viernes, 5 de junio de 2015

OS NOVOS CONCHEIROS 15-16: Transición Infantil-Primaria

Hoxe 5 de xuño recibimos a visita dos futuros Concheiros , que son os alumnos/as de 5 anos na EEI As Dunas. Viñeron coa súa profe Isa e a Directora Raquel. Estaban inquedos e nerviosos xa que por primeira vez visitaban o que será o seu futuro colexio. Os nenos e nenas de 2º traballaron moitísimo para decorar a clase, colocaron as fotos dos pequenos no gran mural que identifica a súa clase e fixeron debuxos cos que os agasallaron. Xuntámonos todos e todas no Salón de actos e os pequenos agasallaron a Teresa , futura profe cun ramos de flores e un album no que cada un deles se presentaban, fixeron unhas dinámica de grupos para coñecerse dirixidos por Sergio Goce, alumno de 3º de ESO.




Logo de facer a presentación e coñecernos un pouco mellor fomos a ensinarlles o pavillón e alí estaba Victor profesor de Educación Física para facer uns xogos  con todos nos.



No recreo desfrutaron co alumnado do primeiro ciclo, moitos deles foran xa compañeiros/as deles na Escola de Educación Infantil de Dunas.


Ao rematar o recreo dirixémonos a Biblioteca onde nos esperaba de novo Sergio, alí contoulles A "Carapuchiña vermella" e os "tres Cerditos" pero de revés.......estaban realmente sorprendido¡¡


Ao rematar na biblioteca os nenos e nenas de 2º de EP os acompañaron a clase e polo camiño foron explicando cada espacio do colexio e o significado dos murais que temos polos corredores, pertencentes ao proxecto "Da Horta ao Prato", lonas coas imaxes dos proxectos que desenvolvemos nos anos anteriores, os conteñedores de reciclaxe, .... ata que chegaron ao corredor da clase onde un gran mural cun barco xigante e as fotos de cada un deles daballes a  benvida.
Ao entrar na clase sentáronse cada un con varios nenos/as de 2º de EP que tiñan un agasallo para eles, fixéranlles uns debuxos para que os colorearan e puxeran o seu nome neles, estes debuxos estarán en setembro postos nas súas mesas.

Unha vez rematados de colorear e poñer o nome nos debuxos, os alumnos/as de 2º Primaria, prepararon uns contos para ler aos pequenos e no patio fixeron o seu apadriñamento lector.




BENVIDOS¡¡¡¡¡¡¡¡¡¡

No hay comentarios:

Publicar un comentario