jueves, 12 de marzo de 2015

DÍA DOS NAMORADOS

Todos os anos o Equipo de Biblioteca organiza algunha actividade para celebrar o Día de San Valentín e desenvolver a capacidade de expresar amor a través da palabra. Parece doado pero cústanos, verdade?. Este ano deixastes as vosas cartas de amor para todos os que formamos parte deste Centro: alumnos, profesores, administración, cociñeiras, limpadoras... O venres 13 abristes as cartas que os nosos mensaxeiros do amor foron entregando por todos os cantos do cole. Todos recibimos unha flor de papiroflexia realizada por alumnos de 1º,2º,3º,4º (decorando a mesa ) e PDC. Que emocionante foi abrir as cartas para todos! Moitos de vós non tiñades mans para tantas. Un ano máis resultou unha actividade moi divertida e na que forzastes ao voso enxeño a poñerse a traballar, coa que os alumnos de Primaria cubriron un sobre (algo tan descoñecido para eles) e onde todos festexamos un día onde, fóra do interese comercial, se repartiu moito amor. Grazas a todos os alumnos que axudastes a que a actividade puidese levarse a cabo. 

pastora Astray de Slidely by Slidely Slideshow

No hay comentarios:

Publicar un comentario