A Don Quixote secóuselle a sesera de tanto ler libros de cabalería. Nós imos experimentar con iso e ,agora, nós seremos os protagonistas dunha aventura similar.
Xa todos coñecemos o argumento desta obra maxistral de Cervantes, pero poucos vos achegastes o suficiente ás súas páxinas. Para solucionar este problemiña e para render unha merecida homenaxe ao autor, imos ler os primeiros capítulos deste libro. Farémolo por cursos e por orde de lista, de tal maneira que, tras a gravación do noso particular vídeo de lectura, don Quixote deixará de ser un descoñecido e pasará a formar parte dos nosos personaxes de ficción preferidos.
Moito ten que ver convosco (a súa tolemia, as súas ganas de aventuras, a súa ousadía...) pero tamén descubriredes a súa bondade e valentía á hora de enfrontarse ás dificultades. É hora de que aprendades da cordura de Sancho, que vos divertades coa inxenuidade de Don Quixote e seades capaces de fuxir mezquindade dalgún dos personaxes cos que se topan no seu periplo por terras castelás.
O primeiro capítulo será lido por 1º ESO, o segundo por 2º A, o terceiro por 2ºB, o cuarto por 3º ESO, o quinto por 4º A , o sexto por 4ºB e o sétimo por todos aqueles que atopemos polo noso centro e apúntense á nosa aventura.
Déixovos cabaleiros e escudeiros co texto para que vaiades repartindo a vosa participación lectora.
Déixovos cabaleiros e escudeiros co texto para que vaiades repartindo a vosa participación lectora.
Comentarios
Publicar un comentario