miércoles, 18 de mayo de 2016

II CONCURSO DE FOTOGRAFÍA “GALICIA, AUGA E LITERATURA” I


Para conmemorar o Día da Poesía, o equipo da biblioteca propoñe a todos os cursos de primaria e ESO participar no II Concurso de Fotografía “Galicia, Auga e Literatura”, patrocinado por Viaqua. Do mesmo xeito que na pasada edición, o que se busca con este concurso é achegar a literatura galega aos escolares de Educación Primaria e Secundaria a través da auga; á vez que se conciencia sobre os usos e beneficios desta. 
Os alumnos e alumnas deberán elixir un poema ou verso determinado nos que a auga estea presente e ilustralo cunha fotografía. A creatividade e orixinalidade á hora de plasmar nunha fotografía a importancia do coidado do medio ambiente e a auga como recurso escaso, terán a súa recompensa. En concreto, o primeiro e segundo premio para os escolares de cada categoría será unha Tablet Nevir LCD 8" e unha Cámara Dixital Nikon, respectivamente. Os profesores, pola súa banda, serán galardoados cunha estancia dunha noite para dúas persoas en OCA Augas Santas (Pantón - Ourense). Na entrada do colexio temos unha mostra bibliográfica de libros de poesía relacionados coa auga dispoñibles na biblioteca.
Durante a hora de biblioteca os alumnos investigaron cos seus titores nos libros de poesía. Cada alumno ou alumna elexiu na biblioteca o seu poema para participar no concurso.
Despois colgamos todos os traballos dos alumnos e alumnas no tendal da entrada do noso colexio.






No hay comentarios:

Publicar un comentario