martes, 13 de diciembre de 2016

O SABOR DA AVENTURA ESTÁ NO MAR

O luns 3 de outubro todo o alumnado de Educación Primaria e 1º e 2º de ESO participou no obradoiro de “O sabor da aventura está no mar”, actividade que está enmarcada dentro do programa “Aliméntate ben”.
O obradoiro tivo unha duración dunha hora. O obxectivo era dar a coñecer a importancia dos productos do mar na dieta e fomentar o seu consumo.
Os alumnos e alumnas asistiron a unha obra de teatro dirixida por tres personaxes: Luís, o pescador; Dona Mariña, a cociñeira e a científica Balbina. Coa súa axuda, a cuadrilla dos “Arroases” tiveron a importante misión de facer chegar a súa mensaxe a todos os nenos e nenas: compartir os seus super-poderes. Despois realizaron xogos onde coñeceron os diferentes peixes e as súas características.

Finalmente realizaron a entrega da “Carta de compromiso: O sabor da Aventura está no mar” que foi firmada polos participantes do obradoiro para facer chegar a mensaxe da cuadrilla “Os arroases” aos seus amigos/as e familia.
Que ben o pasaron!

No hay comentarios:

Publicar un comentario