Ir al contenido principal

LIBROS QUE COBRAN VIDA COA REALIDADE AUMENTADA

Ler é un magnífico entretemento, con todo, moitos nenos e nenas prefiren outras actividades, xeralmente relacionadas co uso das novas tecnoloxías. Por iso, penso que unir lectura e tecnoloxía é un gran acerto e a Realidade Aumentada ofrécenos que ler sexa moito máis que letras e ilustracións sobre papel impreso.

A Realidade Aumentada (RA) é unha tecnoloxía interactiva que consiste en engadir información virtual á realidade física do noso contorno. Grazas a ela, os nenos e nenas poden ver como os personaxes dos seus contos cobran vida e interactúan con eles/as facendo moito máis atractivas as lecturas.

Recomendámosvos a colección "Conoce los animales" de BooksARalive que contén 5 libros con esta tecnoloxía implantada. BooksARalive é a editorial da empresa Baibuk que se dedica, entre outras cousas, a desenvolver ferramentas tecnolóxicas baseadas no uso da Realidade Aumentada.


"Conoce los animales" é unha colección composta de cinco volumes ilustrados con poemas e ilustracións sobre os animais. Os libros están destinados a nenos/as a partir dos dous anos. Cada libro vai acompañado dunha aplicación móbil gratuíta, que unha vez instalada na nosa tablet ou smatphone, outorga novas posibilidades ao libro a través de música, narracións en varios idiomas, xogos...

As aplicacións de cada libro descárganse tanto de Google Play como de App Store e a súa utilización é moi sinxela e intuitiva. O seguinte vídeo explica de forma clara como funcionan as aplicacións cos libros:


Ao final de todos os libros hai un apartado que se chama "Xoga e aprende" onde se escanean as siluetas dos animais e os pequenos lectores deben pescudar de que animal trátase segundo a narración que escoitan, o que é unha actividade perfecta para que afiancen os seus coñecementos na identificación dos animais.

A lectura con Realidade Aumentada é unha boa alternativa para conseguir que os nenos e nenas achéguense ao libro tradicional impreso sen desvincularse das tecnoloxías do futuro.
 Fuente: En la nube TIC

Comentarios

Entradas populares de este blog

Felices vacacións!

  Dende a biblioteca vos desexamos unhas felices vacacións cheas de moitas lecturas e xogos.👀😊 Ata setembro! 💛

Recomendacións lectoras para o verán

  E neste verán, descansar e ler pode ser un bo plan. Por iso, vos deixamos estas recomendacións lectoras 👇

HAIKUS JAPONESES

Para o día da poesía   proponemosvos un traballo no que ides ter que seguir a tradición japonesa e compoñer un haiku . Antes de que vos expliquemos a actividad é convinte que seaibades en qué consiste esta composición poética.   Un haiku é un pequeño poema tradicional japonés. Tan pequeno que a súa estructura consta de tres versos sen rima, que deben sumar un total de diecisiete sílabas. O primeiro verso debe ter 5 sílabas,ol segundo 7 e o terceiro 5, aunque non é obrigatorio seguir esa estructura.     O haiku, xeneralmente expresa unha sensación, unha imaxen, que pode ser evocada con enorme forza ou sutileza. Caracterizase pola sencillez, austeridade, brevedad e asimetría.   NO día da poesía, que se celebra o día 21 de marzo, podedes contribuir con un haiku que a vosa creatividade compoña. Teredes que combinar a poesía coa temática que podádes sacar do Proyecto deste curso sobre Enerxías Sostibles " Do pedernal á fusión". Busca en tres versos a man...