CAMPAÑA "ESPANTALLO AMIGO"

OS nenos e nenas de 3º e 4º de primaria participaron no proxecto teatral e literario ideado por Os Quinquilláns e a Editorial Galaxia a partir do Espantallo Amigo de Xosé Neira Vilas. Unha vez que traballaron esta lectura durante a HORA DE LER cos seus titores/as, asistiron o martes 14 de marzo ás 11:30h a representación teatral no Auditorio de Nigrán.

A historia de xenerosidade ideada por Xosé Neira Vilas estivo contada, na versión teatral de Lucho Penabade e Tero Rodríguez, polos nenos que no seu día conseguiron superar a miseria grazas á xenerosidade do espantallo amigo e que, xa convertidos en home e muller, quixeron facer unha montaxe teatral que explicara o sucedido.

Crea o teu circuíto

Dende a área de Ciencias Naturais, a rapazada de 6º de EP estivo aprendendo sobre os circuítos e os seus elementos. Cada un deles creou o seu propio circuíto e decidiu como montalo. Estes foron os seus resultados 👀👇: MOI BO TRABALLO!👏

Visitamos a Stella Maris

Hoxe, o alumnado de 5º e 6º de Primaria reuniuse cos usuarios e usuarias da residencia de maiores Stella Maris. Aproveitaron o día dando un paseo polas instalacións e incluso algúns deles foron ata a praia de Panxón. Desfrutamos moito desta xornada.😀 Moitas grazas!

Buscar este blog