viernes, 29 de marzo de 2019

OBRA DE TEATRO INGLÉS: DÍA INTERNACIONAL DO TEATRO 2019

A compañía de teatro "moving ON", interpretaron a obra "The end of the beginning", na que se expuña o tema do Brexit co que o alumnado profundizou neste tema. O alumnado cantou, interpretou e bailou con Fiona e Mikel.


martes, 19 de marzo de 2019

ROSALÍA PEQUENIÑA - 2º PRIMARIA


CONTACONTOS: ÁNGELES ESCRIBANO

O 14 de marzo tivemos a sorte de contar de novo coa visita de Angeles Escribano. Ángeles foi maestra,  coordinadora de grupos de bibliotecas escolares da zona de Vigo, amiga de poetas e amante da literatura, teatro e poesía. Agora está xubilada e no seu tempo libre adícase a unha das súas pasións: contar contos para acercar aos nenos/as a lectura. Este ano presentounos o conto  "Sete ratóns cegos" de Ed Young aos nenos de 1º,2º e 3º de Primaria e, para os nenos/as de 4º,5º e 6º de primaria, acercounos a vida e obra de Roald Dahl e rematamos co experimento da Cinta de Moebius.
 Para comezar a actividade os nenos/as chegaron coas súas invitacións e Ángeles escaneunas, despois acompañada de Igor, comezou o contacontos coa súa axuda.
Nas dúa sesións tivo gran protagonismo os poemas de Juan Carlos Martín do seu libro "La alfombra Mágica" ; espexialmente o titulado "O Tren". Tievemos a sorte de que nos presentara ao autor e a Lurdes López o ter unha gran amizade con eles.




A maxia de Ángeles fixo posible que estiveran connosco a través dun vídeo;  nel Juan trata de explicarnos que é a poesía e como temos que entendela na escola, axudado polo seu compañeiro "Jorge Mario".



 Con Juan a guitarra e coa voz de Lurdes cantaronnos unha canción que era un poema musicado de Juan "En el mundo de los libros" ao que engadiron un estribillo que repetimos todos xuntos con eles: "A leer, a leer, a viajar sin mover los pies".
 
 Moitas Grazas Juan Carlos e Lurdes, só esperamos que algún día podades vir en persoa a nosa biblioteca para que nos fagades desfrutar un pouco mais do maravilloso mundo da poesía.

Grazas, Ángeles, por esta xornada maravillosa! Agardámoste de novo o ano que ven¡¡¡

ESAD: ESCENIFICANDO A LORCA

O Grupo de Teatro de Secundaria , participou nos Encontros de Teatro de Vigo na ESAD (Escola Superior de Arte Dramático) organizados por Caixaescena.
Participamos con outros 5 centros de Educación Secundaria: Colegio La Merced de Sarria, IES Porto do Son, Colegio Salesianos de A Coruña, IES Las Salinas de Avilés e IES Barrio Loranca de Fuenlabrada.

Durante estes Encontros  o grupo Egos Teatre de Catalunya e o equipo organizador de Caixaescena con Xabier Erra (escenógrafo) á fronte axudan a que os diferentes centros leven adiante unha proposta escénica de 15 minutos cun tema de fondo común: Federico García Lorca.

O CPI levou á escea tres pezas de Teatro Breve de Lorca, “El paseo de Buster Keaton”; “La doncella, el marinero y el estudiante” e “Quimera”.

ENTROIDO GALEGO "CULTURA QUE CONTA"


MALETA VIAXEIRA DE POESÍA

Co mes de marzo chegou a Biblio a Maleta viaxeira de poesía. Todos os cursos están a desfrutar dela e comezan as lecturas de poesía.

lunes, 18 de marzo de 2019

FRIDAYS FOR FUTURE

O venres tivo lugar a primeira folga Fridays for future, e o CPI Arquitecto Palacios tamén aportou o seu graniño de area.



Fridays for future e un movemento liderado por estudantes cuxo obxectivo é loitar contra o cambio climático. Un movemento iniciado por unha adolescente con síndrome de Asperger, de tan só quince anos, que lles poñía as pilas aos políticos no cume de Polonia. Pero, Cal é o seu discurso?
.  

DISCURSOde  Greta no Cume da ONU

viernes, 8 de marzo de 2019

ENTROIDO "CULTURA QUE CONTA"

Non podía ser doutra maneira, o noso entroido este ano ten que ver co proxecto "Cultura que conta". Todos os cursos traballaron arreo para facer un entroido relativo ás tradición galegas.








CONCURSO "SELFIE LIX" 2019

Con ocasión do DÍA INTERNACIONAL DO LIBRO INFANTIL, a Organización Española para el Libro Infantil y Juvenil, co patrocinio do Ministerio de Educación, Cultura y Deporte, convoca o concurso «Selfie LIX Día Internacional». 

PARA PARTICIPAR:
 1. Poden participar todos os lectores e lectoras que estean a cursar Primaria ou o primeiro ciclo de Secundaria, a través do seu centro docente ou desde a biblioteca:
          • Escoller unha ilustración dun personaxe ou unha escena da literatura infantil e xuvenil.
          • Facer unha fotografía que recree o personaxe ou a escena escollida.
          • Presentar a fotografía xunto co fragmento ou a ilustración que a inspira, indicando o título do  libro ao que pertence.

 2. En todos os traballos deberán constar os datos de identificación dos seus respectivos autores: Nome e apelidos, idade, ano de nacemento e curso escolar; así como tamén o nome do/a profesor/a ou bibliotecario/a, e o nome, o enderezo e o teléfono do centro cun correo electrónico de contacto.

3. Os centros docentes e as bibliotecas deberán seleccionar un máximo de tres traballos por categoría segundo o seu bo criterio. Deberán entregalos directamente ou ben remitilos por correo postal ou correo electrónico antes do día 2 de abril en función da súa residencia ou ámbito lingüístico no que participe.

 Establécese un premio para cada unha das seguintes categorías e ámbitos lingüísticos:
 • Primeiros lectores (1º, 2º e 3º de Primaria) 
 • Lectorado avanzado (4º, 5º e 6º de Primaria) 
 • Superlectores (1º e 2º de Secundaria).

DIA INTERNACIONAL DO LIBRO INFANTIL 2019 Os libros fannos acougar

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

MENSAXE DA SECCIÓN DE LITUANIA E ILUSTRACIÓN DE Kęstutis Kasparavičius (1954).
Vou con présa!, Non teño tempo ningún!, Aburiño!... Expresións coma estas poden escoitarse quizais acotío, non só en Lituania -no centro mesmo de Europa-, senón en moitas partes do mundo. E a miúdo escóitase dicir tamén que vivimos na idade da abundancia da información, da présa e da precipitación.
Non obstante, colles un libro entre as mans e, inmediatamente sentes que algo muda. Parece que os libros teñen unha cualidade marabillosa -axúdannos a acougar. Tan pronto como abres un libro, mergúllaste nas súas tranquilas profundidades e sabes que nel as cousas non pasarán a tanta velocidade que non che permita apreciar nada. Comezas a entender que non paga a pena lanzarse a facer tarefas de dubidosa urxencia. Nun libro todo acontece paseniñamente, en orde e segundo unha secuencia. Quizais porque as súas páxinas están numeradas, quizais porque as súas follas roxen amodo a medida que as vas pasando. Nos libros, os acontecementos do pasado atópanse cos que aínda están por chegar.
O universo dos libros é moi extenso; e nel poden mesturarse a realidade coa imaxinación e a fantasía. Ás veces non sabes moi ben onde -se nun libro ou na vida- percibiches de que xeito tan fermoso caen as pingas do tellado nevado cando se derreten, ou de que forma tan bonita cobre a carriza o valado da veciña. Foi nun libro ou na realidade onde comprobaches que as amoras non só son bonitas senón tamén amargas? Aconteceu nun libro ou na realidade cando estabas estomballada sobre a herba seca no verán, e despois sentada coas pernas cruzadas, vendo como as nubes avanzan polo ceo adiante?
Os libros axúdannos a vivir amodo, apréndennos a observar e convídannos a buscar acomodo e sentar durante un longo anaco. A miúdo lemos sentadas, co libro sobre a mesa ou entre as mans, non si?
E non comprobastes o milagre de que cando estás a ler un libro, o libro tamén te le? Si, si, os libros tamén saben ler. Lenvos a fronte, as cellas, as comisuras da boca que soben e baixan, pero primeiro e por riba de todo, os libros len os ollos. E mirándote aos ollos, eles ven... vaites, xa sabedes o que ven!
Estou seguro de que os libros nunca están aburridos se están entre as túas mans. Unha persoa que goce lendo -sexa pequena ou adulta- é moito máis interesante que unha persoa á que non lle preocupen os libros, que sempre estea bulindo a contrarreloxo, que non teña tempo para sentar, que non teña tempo para fixarse en nada do seu arredor.
No Día Internacional do Libro Infantil, este é o meu desexo para todas nós:
Que non falten libros interesantes para o lectorado e lectorado interesante para os libros!

Escrito por Kęstutis Kasparavičius
Ilustrado por Kęstutis Kasparavičius
Traducido por Antía Marante Arias (GÁLIX)