Por aquí vos deixamos as portas do concurso de portas terroríficas. Quen gañará?

  Nestes dias estivemos facendo actividades temáticas: murais, papiroflexia, mini libros, break out…. Mirade 👀

A pasada semana, os cativos e cativas de 3º de EP puideron desfrutar das estacións terroríficas. Neste caso, os seus compañeiros e compañeiras de 5º transformáronse en miniprofes e acompañáronos en cada unha das estacións: 🎃 Robótica terrorífica 🎃 Dominó de personaxes 🎃 As sílabas do terror 🎃 Código secreto 🎃 Palabras prohibidas Botade unha ollada 👀

Xa chegou o Samaín e con ela as cabazas máis orixinais, máis terroríficas e máis elaboradas.  Mirade o que nos está chegando... 👻🎃🧌🧟‍♀️🧟‍♂️

Xa chegou o Samaín, cheo de estacións de aprendizaxe terroríficas sen fin! 😀 Nesta xornada tocoulles aos cativos e cativas de 5º e 6º. Puideron desfrutar das seguintes estacións: 🎃 Robótica terrorífica 🎃 El colegio encantado 🎃 Fantasma Blitz 🎃 Speed Cups versión Samaín 🎃 ¿Quién despertó a Frankenstein? Queredes ver como o pasaron? De medoooo!  👻

  Para este Samaín vos deixamos as seguintes recomendacións terroríficas que poderedes atopar nos corredores da escola:   E velaquí uns videocontos: CORRE CORRE, CABACIÑA   COCORICO

  Hoxe, 24 de outubro conmemoramos o día das bibliotecas e o lema deste ano é:  Seguindo a asesoría de bibliotecas, "Tecendo Comunidades", pretende destacar o papel fundamental que desempeñan as bibliotecas na construción de lazos fortes dentro das nosas comunidades. Estas institucións son centros de conexión e aprendizaxe, onde as historias, as experiencias e os coñecementos son os fíos que unen aos cidadáns". As bibliotecas, sen dúbida, son un espazo onde compartir, ler, xogar, aprender,... É un espazo imprescindible para encontrarse e convivir. Na nosa escola fixemos un mural para conmemorar este día tan especial:

Os nenos e nenas de 4º e 5º de EP estiveron aprendendo un montón de cousas sobre o Universo e os planetas.: que é, cantos planetas ten, cómo son esos planetas, cales son os movementos da Terra, as fases da Lúa,... Queren compartir con todos vós o seu traballo. Fixeron dous póster dixitais interactivos onde poderedes ver os seus traballos, pero tamén escoitalos a eles! Premede nas iconas 👇:  4º EP e os Movementos da Terra    5º EP e o Sistema Solar    Polos corredores da nosa escola podemos desfrutar dunha exposición das maquetas que fixeron. Todas son incríbles!😍 Ademais, para repasar o aprendido fixemos unhas actividades de robótica con Mousy. O pasamos xenial!😊 Agardamos que vos guste!  Saudiños

  Hoxe Nael e Pablo recibiron un premio por participar no concurso de Aqualia o curso pasado. Na entrega dos premios estivo  o Alcalde de Nigrán e a enxeñeira de Aqualia. Parabéns, rapaces! 👏🏻🤗

  Dende o equipo biblioteca e o de Dinamización da Lingua invitámosvos a participar nos seguintes concursos terrorríficos: 

  Hoxe, o alumnado de 5º e 6º de EP fixeron unha saída á praia da Madorra onde puideron realizar unha recollida de residuos. Esta actividade medioambiental está enmarcada dentro do proxecto de Xeración ECO no reto  nº 3 “Gotas de Vida”   e está organizada polo Concello de Nigrán e ADEGA. Botade unha ollada:

  No día de onte, os cativos e cativas de Educación Primaria recibiron unha visita moi especial: Dani, da agrupación musical Santiago de Parada. Veu presentarnos as actividades que poderíamos realizar na escola de música. Ensinounos varios instrumentos e o seu funcionamento, e despois puidemos probalos todos! Pasámolo xenial! Mirade 👀👇: Moitas grazas Dani!

Benvidos e benvidas, arrincamos este curso 2023 - 2024 dende este blog. Ao longo deste mes estivemos organizando e argallando novas cousas, entre elas comezamos polas  Mochilas Viaxeiras e os correspondentes cadernos viaxeiros , as cales foron postas en marcha no día de hoxe. As mochilas viaxeiras iban cargadiñas dunha carta especial de Panxolín, a nosa mascota, onde nos convidaba a que o visitemos na biblio e nos facía a entrega dos carnets para que poidamos coller os libros. De igual maneira, chegaron as cestas lectoras as nosas aulas, cheas de libros cos cales poderemos desfrutar. Para finalizar, damos título e vida ao proxecto de centro deste curso: Esperámosvos pola biblio!