A o igual que en cursos anteriores, ao chegar as datas do Nadal, realizamos no noso centro a campaña de recollida de alimentos que entregamos ao Banco de Alimentos Municipal:  OPERACIÓN QUILO Nº XII. Con esta campaña tratamos de fomentar nos nosos cativos e cativas o valor da cooperación, a solidariedade e a axuda aos demais, entre outros. Dende a escola fomos capaces de reunir un total de  142 kg e uns vales. Moitísimas grazas a todas as familias que puideron colaborar nesta campaña!

  Neste mes de decembro o alumnado do CPI Plurilíngüe Arquitecto Palacios realizou diferentes talleres de reutilización de materiais: plásticos, de vidro e de CD`s para confeccionar adornos de Nadal. Xeración ECO aportanos os seguintes datos: O noso estilo de vida está baseado no consumismo (que non é o mesmo que o consumo). Isto implica a necesidade constante de explotar os recursos naturais para poder satisfacer as nosas necesidades, mais tamén a produción dunha gran cantidade de residuos. Estímase que cada ano xeramos no mundo 2.010 millóns de toneladas de residuos urbanos, o equivalente a 822.000 piscinas olímpicas. Os e as expertas dinnos que aumentará a xeración de residuos, se non facemos algo, nun 70 % en 2050. Isto é unha barbaridade, e non podemos permitilo. De todos os residuos producidos nos fogares españois, o 13 % son residuos de vidro, un material que grazas ás súas propiedades se pode reciclar infinitas veces (para producir novos envases de vidro) ou que podemos reutili

  Esta semana, a rapazada de 4º da ESO participou nun obradoiro de reutilización de materiais para elaborar uns fantásticos adornos de Nadal. Este obradoiro foi impartido por Marcela, nai dunha alumna.  Así mesmo, colaboramos co reto 1 da Xeración ECO. Mirade:

  As recomendaciones de Nadal son as seguintes: E por estas datas como tódolos anos, cativos e cativas da escola fixeron unha chea de actividades. Vos deixamos cunha pequena mostra:

  Aquí vos deixamos coas portas que participan no concurso. Son todas xeniais e moi elaboradas. Bo traballo, rapazada! 👏

  Hoxe tivemos a sorte de contar coa clase de 5 anos da EEI Dunas. Viñeron ao noso cole para realizar un obradoiro de postais de Nadal. Todos estaban moi emocionados e colaboraron en grupos mixtos 1º, 3º e 5º de EP. Moito traballaron e o pasaron moi ben. 😁 Moitas grazas por vir e participar 😊 Mirade:

  Dende o CPI queremos axudar, e para iso coa operación kilo imos colaborar. alimentos non perecedeiros podemos aportar, e entre todos poderemos axudar. Moitas grazas a todas e todos por colaborar 😊

  O 24 de novembro de 2023 o alumnado de 3º ESO participou na posta en común dos talleres audiovisuais para a prevención da violencia de xénero que promoveu o Departamento de Orientación. Os tres centros de ensino secundario de Nigrán: IES Proval,  IES Val Miñor e CPI Pl. Arquitecto Palacios mostraron os traballos audiovisuais no auditorio do concello de Nigrán. Esta actividade veu ofertada polo CIM xunto con CRU (productora con perspectiva feminista) e Rabelo. O broche final do espectáculo puxo “A drag pandereteira” . 

  Como cada 3 de decembro conmemoramos o Día Internacional das Persoas con Discapacidade . As lecturas propostas nesta ocasión son: Dende o noso centro traballamos este día tendo como referentes as paralímpicas españolas a partir das cales, fixemos un mural. Os nenos e nenas de 1º, 5º e 6º traballaron xuntos, leron as biografías destas rapazas e sobre todo, aprenderon un montón. Mirade: Para finalizar este día, os cativos e cativas de EP puideron asistir a un encontro co CEE Juan María e outros centros educativos no pavillón de Panxón onde puideron ver unha actuación do grupo Xermola: Todos menos uno. Para finalizar a xornada, gozaron dunha chocolatada.

  O Día Universal do Neno, celébrase tódolos anos o día 20 de novembro, é un día dedicado a tódolos nenos e nenas do mundo. É un día de celebración por tódolos avances conseguidos, pero tamén é un día para reinvidicar a situación dos nenos máis desfavorecidos, dar a coñecer os dereitos da infancia e concienciar as persoas da importancia de traballar día a día polo seu benestar e desenvolvemento. Na escola estivemos traballando os dereitos dos nenos e das nenas e entre todos fixemos este gran mural:

Nestes días tivemos a sorte de contar coa  charla impartida por José Ángel Lorenzo, Secretario Xeral do Cluster do granito de Galicia, dentro do  programa educativo  “Que non te líen, ti elixes” para os cursos de 3º e 4º de ESO. Aquí vos compartimos unha mostra:

Para conmemorar o 25 de Novembro, Día Internacional contra a Violencia de Xénero, vos deixamos coas propostas de lecturas que podedes atopar no corredor da nosa escola: Así mesmo, fixemos actividades moi variadas na nosa escola: Fixéronse portas temáticas, e   os nenos e nenas de 5º realizaron uns increíbles poemas e audiopoemas que podedes escoitar premendo nas iconas:   Ruth, alumna de 3º da ESO quere compartir unha presentación que fixo sobre o 25N na materia de oratoria: https://www.canva.com/design/DAF0UmwOGWM/eSW5cuB9dzFPsrLMdxIpZA/view?utm_content=DAF0UmwOGWM&utm_campaign=designshare&utm_medium=link&utm_source=editor

Este 23 de novembro, celébrase Thanksgiving e na clase de 5º de EP traballamos esta celebración dende a materia de ARTS & CRAFTS. A nosa auxiliar de conversa, Ryan, explicounos a actividade e que significaba este día. Así mesmo, indicounos os pasos que debíamos seguir para debuxar uns pavos coma os que veredes nuns instantes. En cada unha das plumas, os cativos e cativas escribiron aquelas persoas, cousas... as que eles lles dan grazas: mamá, papá, avós, irmáns, familia, mestres, veciños.... Sentíronse moi afortunados e fixeron un gran traballo! 😁 Mirade cómo traballaron e o resultado final: 

  O venres pasado celebrábamos no noso centro o tradicional magosto. Cativos e cativas puideron desfrutar dunha degustación de postres que fixeron as familias, así como das tradicionais castañas. Foi un día repleto de xogos: carreira de sacos, tiro á corda.... e tamén da entrega de premios dos diferentes concursos: GAÑADORES E GAÑADORAS: Texto e/ou poema de outono : Arya de 3º EP e Hugo de 5º EP Debuxos de outono: Pablo de 4º EP e Alexia de 1º EP Debuxo Samaín : Pablo M. de 1º ESO B Texto de terror : Leo de 2º EP, Pablo de 4º de EP e Pablo de 2º ESO B Máscaras terroríficas : Alexia de 1º de EP, Sabela de 2º EP e Daniela de 4º de EP Cabazas :  a que máis medo da: Enzo de 2º EP  a cabaza máis orixinal: Nael e Daniela de 4ºde EP  a máis traballada: Miguel de 4º de EP e Sergio de 3º ESO  Portas terroríficas: A que máis medo da: 6º EP A máis elaborada: 2º EP A máis orixinal: 2º ESO B Noraboa a tod@s!

  No día de hoxe, os nenos e nenas puideron acudir á biblioteca para facer un obradoiro de papiroflexia. Estiveron moi atentos e crearon uns marabillosos colibrís. Moitas grazas profe Chelo por impartir este fantástico obradoiro. Mirade:

Dende a biblioteca escolar queremos aportar o noso grao de area facendo colibrís con papiroflexia e contándovos a fábula dun paxaro chamado colibrí, que é a imaxe da campaña do día mundial do retrete que se celebrará o día 19 de novembro. Queremos celebrar este día xa que o saneamento e a auga potable son dereitos humanos, o acceso a estes servizos é fundamental para a saúde humana. Fábula do pobo quechua do Perú: "«Certo día declarouse un incendio no monte e todos os animais fuxiron disparados. Con todo, tras poñerse a salvo, quedaron pasmados contemplando as chamas, sumidos no terror e a tristura. Por encima das súas cabezas, unha colibrí ía e viña do lume, unha e outra vez. Os animais máis grandes preguntáronlle á colibrí que estaba a facer. —Voo ao lago a por auga para axudar a apagar as chamas. Os animais botáronse a rir e exclamaron: —Ti soa non podes extinguir o incendio! —É certo —contestou a colibrí—, pero estou a achegar o meu gran de area». A lenda anímanos a “ser o cam

  O pasado mércores 8 de novembro o grupo de sexto de primaria foi invitado a participar nos Encontros dos centros participantes da Digital Week! Desfrutaron dun obradoiro de robótica con Mbots e dunha interesante conferencia de investigadores científicas como Déborah García Bello e Manuel Vicente, Mirade  :👀

  E volvemos ao horto, e neste curso iniciamos coas seguintes actividades: 1º EP: plantación e presentación da horta 2ºEP: limpeza e plantación  3º EP: limpeza e plantación de repolos 4º EP:  limpeza e preparación da terra  5º EP: banco de sementes e limpeza. Plantación de coliflor  6º EP: colleita e plantación de cenorias e cebolas  Mirade 🤓:

  E nesta ocasión tocoulles o turno aos cativos e cativas de 4º de EP. As estacións terroríficas  foron: 🎃 Robótica terrorífica 🎃 Speed Cups Samaín 🎃 Acentuación terrorífica 🎃 Que teño no coco?   🎃   Fantasma Blitz       Pasárono de medo!  Botade unha ollada 👀

  E hoxe tocoulles o turno aos cativos e cativas de 2º de EP. Nesta ocasión as estacións terroríficas foron: 🎃 Robótica terrorífica 🎃 Speed Cups Samaín 🎃 Retos terroríficos 🎃 Que teño no coco? Pasárono de medo!  Botade unha ollada 👀

  Nesta ocasión as estacións terroríficas leváronse a cabo cos nenos e nenas de 1º de EP. As  estacións que estiveron en marcha foron: 🎃 Robótica terrorífica 🎃 Speed Cups Samaín 🎃 Palabras terroríficas 🎃 Que teño no coco? Botade unha ollada 👀

  E velaquí vos deixamos cos gañadores de cada unha das categorías: PARABÉNS, RAPAZADA!👏