Este ano , para celebrar a Semana da Prensa ides ter que enfrontarvos a un reto no que mostraredes as vosas habilidades para convencer a través dunha carta de solicitude.
En que consiste o reto? Teredes que conseguir un xornal de calquera país do mundo, canto máis afastado, exótico, descoñecido sexa, o voso logro será maior.
Como logralo? Poderedes escribir unha carta pedíndoo a quen creas que é a persoa , institución, centro, industria...máis idónea para que , lendo a vosa solicitude, envíen un exemplar. Podedes pedirllo a un centro educativo, ao Instituto Cervantes dese país, a un xornal...Usade vosa imaxinación, enxeño; buscade as direccións de correo electrónico, redactade vosa carta na lingua que sexa conveniente (podedes pedir axuda a profesores, familiares, amigos), sede convincentes e seguro que algún exemplar chega.
É necesario que o xornal se envíe ao voso nome, pero á dirección do colexio, para que o reto considérese conseguido. Toda a comunidade educativa está convidada a participar, algúns profesores xa contribuíron coa prensa que conseguiron nalgúns das súas viaxes. Ao final , faremos unha exposición con todos os xornais que conseguísemos e sinalaremos nun mapa os países de procedencia. Ánimo, este reto é moi sinxelo para vós, verdade?
Comentarios
Publicar un comentario