Ir al contenido principal

ZAPATOS VERMELLOS CONTRA A VIOLENCIA DE XÉNERO

Hoxe, 25 de novembro, no Día contra a Violencia de Xénero, no CPI Arquitecto Palacios de Panxón quixemos poñernos, senón na pel, si nos zapatos de todas as mulleres que este ano levan morto no noso país. 52 mulleres que morreron polo feito de ser mulleres e de atoparse nas súas vidas con homes que non souberon ver nelas a seres cos mesmos dereitos e liberdades. 
 
Todo o alumnado do centro rendeulles homenaxe lendo, un por un, os datos das mulleres asasinadas, mentres colocaron un par de zapatos vermellos en recordo de cada unha, como fixera a artista mexicana Elina Chauvet.

Entre todos formaron as palabras “Libres e vivas” e, para finalizar, dous alumnos de 4º da ESO leron un manifesto no que solicitaron que desaparezan todas as mostras de violencia machista e que non se xustifique ao home que empregue a violencia para dobregar e someter a muller como mostra machista.




Comentarios

Entradas populares de este blog

Recomendacións lectoras para o verán

  E neste verán, descansar e ler pode ser un bo plan. Por iso, vos deixamos estas recomendacións lectoras 👇

Apadriñamento lector EP e ESO

  Hoxe seguimos co apadriñamento lector dos nenos e nenas da escola. Aqueles alumnos voluntarios de ESO así como o alumnado de 6º de EP léronlles uns libriños aos máis cativos da escola: os nenos e nenas de 1º e 2º de EP. Foi unha xornada inesquecible que agardamos repetir pronto! 😁

DA POESÍA.......Á AUGA....Á VIDA

As actividades da Biblioteca este curso estan integradas no Proxecto de enerxías sostibles que se ven desenvolvendo no centro. Marzo, mes da  POESÍA non podía ser menos e todo o CPI puxo o seu sentimento na rima. A temática foi a AUGA ben imprescindible para a vida e tan escasa hoxe, moitos de nós nunca o pensaramos tan profundamente polo que a degustamos, tocamos, sentimos, e......saleu a nosa obra poetica.  Antes de presentala e pensado na sesión de recitado de Poemas, uns pequenos consellos.   de Santiago Pascual UNS CONSELLOS PARA O RECITADO DE  POEMAS Recitar é dicir un poema intentando reproducir os efectos sonoros e a expresividade que o autor lle imprimiu ao crealo. Para recitar correctamente un poema é moi importante: Ler varias veces o poema para comprender ben o seu significado. Ler varias veces en voz alta para interiorizar o seu ritmo Coidar a pronunciación e vocalizar ben as palabras. Intentar vivir a emoción que expresa o texto. ...