Un 11 de febreiro, alá polo século IV d.C, nacía Hipatia de Alexandría. Matemática, astrónoma e filosófa pagana considerada por moitos a primeira muller científica da historia.
A ONU escolleu a data do seu nacemento para celebrear o Día Internacional da Muller e a Nena na Ciencia co obxectivo de lograr unha maior participación e inclusión das mulleres e as nenas no mundo da ciencia e a tecnoloxía e desta maneira romper coa brecha de xénero.
O noso alumnado de Secundaria dedicou un día tan especial a coñecer o denominado efecto Matilda e reflexionar sobre o escaso coñecemento que temos sobre o papel da muller na ciencia e como paralo.
Comentarios
Publicar un comentario