O pasado venres, 3 de xuño do 2016 o escritor Alfonso Álvarez Cáccamo veu falar da súa obra literaria, especialmente falou de O bosque de levas, libro de lectura obrigatoria para o alumnado de 3º, 4º e PDC de ESO.
A charla foi no Salón de Actos e comezou ás 10:40 horas. Falou de como comezou a escribir desde moi novo e como gañou un concurso de contos en Oviedo co conto titulado “A carniceira asasina”, de como xogaba co seu irmán Pepe Cáccamo a escribir relatos e dixo que o seu libro preferido de tódolos que leva publicados é O espírito de Broustenac. Tamén dixo que agora mesmo está a escribir un libro titulado Vento maino.
En canto a O bosque de levas, dixo que comezara a escribilo cando escoitara soar o piano na súa casa despois de que mandara que llo afinasen. En realidade fora o vento quen o fixera soar. Dixo en varios artigos do Faro de Vigo que tiña unha pantasma na casa chamada Lino e unha lectora animouno a contar a historia de Lino que logo pasou a chamarse Marcelo de Salas no libro.
Comentarios
Publicar un comentario