O martes 25 de abril, os alumnos de 3º e 4º de primaria con motivo do Día do libro desprazámonos á E.E.I. “As Dunas” para realizar a actividade de Apadriñamento Lector. Esta actividade consistiu en que os nosos alumnos e alumnas léronlle contos aos nenos e nenas de 3, 4 e 5 anos.
As mestras da E.E.I. “As Dunas” seleccionaron aqueles libros que consideraron oportunos para os seus alumnos e alumnas. No noso centro os padriños e madriñas prepararon agasallos en forma de debuxos relacionados co libro que leron aos seus afillados e afilladas. Tamén o noso alumnado recibiu un agasallo dos nenos e nenas da escola.
A actividade realizouse no patio da E.E.I. “As Dunas”. Durante unha hora a lectura compartida converteuse na protagonista da semana. Os alumnos e alumnas fixérono estupendamente!
Para finalizar, gozamos todos os participantes dunha rica merenda que nos prepararon as mestras. Resultou unha experiencia moi positiva!
Aquí podedes ver algunhas fotos da actividade:
Comentarios
Publicar un comentario