CULTURA QUE CONTA: visita a santiago de compostela: museo do pobo galego, Cidade da cultura e a catedral

Dentro do proxecto Cultura que conta, o alumnado de 3º de ESO xunto co alumnado de intercambio do LYcée "La providence" de Fécamp (Normandia), visitaron en santiago a Catedral, foron ao Museo do pobo galego e alí fixeron un xogo de pistas en galego e en Francés, logo foron xantar a Cidade da Cultura e alí visitaron a exposición sobre a historia de galicia que se titulaba "Galicia, un relato no mundo". Nela puideron ver o manuscrito da Fundación irlanda , onde se fala da Torre de Hércules, de Breogán e do seu fillo Ith. Tamén viron o libro das peregrinacións da monxa Exeria, primeira muller escritora da historia; era de Gallaecia...A exposición resultou moi interesante.

Crea o teu circuíto

Dende a área de Ciencias Naturais, a rapazada de 6º de EP estivo aprendendo sobre os circuítos e os seus elementos. Cada un deles creou o seu propio circuíto e decidiu como montalo. Estes foron os seus resultados 👀👇: MOI BO TRABALLO!👏

Visitamos a Stella Maris

Hoxe, o alumnado de 5º e 6º de Primaria reuniuse cos usuarios e usuarias da residencia de maiores Stella Maris. Aproveitaron o día dando un paseo polas instalacións e incluso algúns deles foron ata a praia de Panxón. Desfrutamos moito desta xornada.😀 Moitas grazas!

Buscar este blog