Ir al contenido principal

CELEBRANDO A AMIZADE E O AMOR

Xa pasou unha das nosas celebracións máis esperadas: O día dos namorados. O equipo de biblioteca traballou durante os recreos para ter todo preparado para ese día. Os axudantes de biblioteca encargáronse de colocar en todas as mesas de Primaria un globo e unha galleta en forma de corazón cunha poesía de amor. Para o resto dos alumnos de Secundaria e para o colectivo educativo tamén houbo galleta. Non foi nada sinxelo ter todo preparado para tantas persoas, sobre todo cando eles tamén se encargaron de ser cociñeiros do amor e traer feitas tantísimas galletas.
Ademais fixeron un curioso mural para que puidésemos inmortalizar unha escena de amor. Todo terminou co concerto do grupo de frautas do centro e a entrega das cartas que encheron as caixas de correos xa desde o primeiro día da semana.
Sei que vos encantaron as galletas dos reposteiros do centro por iso , en breve ,engadiremos as súas secretas receitas no blogue.
Está claro que hai moito amor no CPI de Panxón
Déixovos con algunhas das imaxes que mostran o proceso.

Comentarios

Entradas populares de este blog

Recomendacións lectoras para o verán

  E neste verán, descansar e ler pode ser un bo plan. Por iso, vos deixamos estas recomendacións lectoras 👇

Apadriñamento lector EP e ESO

  Hoxe seguimos co apadriñamento lector dos nenos e nenas da escola. Aqueles alumnos voluntarios de ESO así como o alumnado de 6º de EP léronlles uns libriños aos máis cativos da escola: os nenos e nenas de 1º e 2º de EP. Foi unha xornada inesquecible que agardamos repetir pronto! 😁

Apadriñamento lector coa EEI Dunas

  Hoxe conmemoramos o día do libro co noso tradicional apadriñamento lector coa EEI Dunas. Os nenos e nenas de 3º, 4º e 5º de EP foron ata alí e léronlles uns contiños. Como gozaron e disfrutaron da experiencia e tamén do día. Os nosos cativos e cativas leváronlles uns marcapáxinas personalizados e a sorpresa foi que eles nos prepararan colgantiños.  Botade unha ollada: Mil grazas aos nenos e nenas da EEI Dunas e as súas marabillosas profes por esta doce xornada. Repetiremos ❤