LEMOS POEMAS

O 21 de marzo celébrase o Día da poesía, por iso dedicaremos todo o mes aos textos líricos.
Toda Secundaria terá nas súas aulas unha selección de poemas e en todas as Horas de Ler deste mes todos/as teredes que perderlle o medo aos versos, ás figuras estilísticas , á rima...á poesía. A semana do 20 ao 24 recitaredes o poema que anteriormente seleccionásedes e escolleranse aos dous mellores declamadores de cada curso. Só eles terán unha especial misión didáctica: compartir a súa arte de recitadores cos alumnos de Primaria durante a última semana do mes.
Folga dicir que todos os seleccionados veredes reflectido o voso esforzo nas notas de Lingua castelá e galega.
Así que; poñédevos en marcha, seleccionade autor, poema e a ensaiar.
Os alumnos de 1º e 3ºde ESO escollerán unha poesía que lles guste, pertencente a algún dos autores que se lles recomendou . Deberán presentar ao autor e recitar o poema escollido, explicando a razón da súa elección. A exposición deste curso realizarana durante a clase de Lingua.
A proposta de actividades para todo o centro podedes vela no seguinte documento.