A escritora madrileña foi galardoada pola obra "Los pacientes del doctor García".
O Ministerio de Cultura e Deporte concedeu o Premio Nacional de Literatura na modalidade de Narrativa, correspondente a 2018, á escritora Almudena Grandes pola obra "Los pacientes del doctor García". O galardón, ten por obxecto distinguir a obra de creación literaria dun autor español, editada en 2017 e escrita en calquera das linguas oficiais do Estado. O xurado elixiu esta obra por “ser a cuarta entrega dun ambicioso proxecto narrativo que leva por título Episodios dunha guerra interminable. Na súa novela, que se centra na historia da posguerra española, con achegas ás consecuencias da Segunda Guerra Mundial, conseguiu un difícil e preciso equilibrio entre o imaxinado e a lealdade á verdade histórica”.
Comentarios
Publicar un comentario